उपत्यकामा रगतको अभाव, रक्तदान गर्न आह्वान

काठमाडौं उपत्यकामा रगतका विभिन्न कम्पोनेन्टको माग एक्कासी बढ्दा रगतको अभाव देखिएको छ । 

रगतको अत्यधिकरुपमा माग बढेपछि नेपाल रेडक्रस सोसाइटी रगत दान गर्न आम रक्तदातालाई आह्वानसमेत गरेको छ । सामान्यतयाः बिदाको दिनबाहेक अन्य दिन रगत संकलन कार्य अत्यन्त न्यूनरुपमा हुन थालेपछि उपत्यकामा रगतको माग बढेको सोसाइटीले जनाएको छ ।

रगतको अभाव भएपछि सोसाइटीले उपत्यकाभित्र रगत संकलन कार्यमा सक्रिय युथ फर ब्लड, क्लब २५, उपत्यकाभित्रका सोसाइटीका जिल्ला शाखा, उपशाखा तथा अन्य सामाजिक संघसंस्था एवं स्वयंसेवी रक्तदातालाई रगत दानको कार्यक्रम बढाउन आह्वान गरिएको सोसाइटीका सञ्चार विभागका प्रमुख दिव्यराज पौडेलले जानकारी दिए ।

सोसाइटीद्वारा सञ्चालित रक्तसञ्चार केन्द्रकी निर्देशक डा मनिता राजकर्णीकारका अनुसार अहिले दैनिकरुपमा ३५० पिन्ट रगतको माग हुने गर्दछ भने मागलाई धान्न केन्द्रलाई मुश्किल परिरहेको छ । ‘हिजोमात्र स्वयंसेवी रक्तदातालाई आह्वान गरी रगतको माग पूरा गर्‍यौँ,’ उनले भनिन् ।

अर्कोतर्फ चैत महिनामा उपत्यकाका अस्पतालमा शल्यक्रिया बढी हुने हुँदा पनि रगतको माग बढ्ने गर्दछ ।

यसैगरी, भक्तपुरको दूधपाटीमा रहेको नेपाल रेडक्रसको रक्तसञ्चार सेवा केन्द्रमा पनि रगतको माग बढेको छ । केन्द्रका प्राविधिक प्रेम अधिकारीका अनुसार चैत १६ गते शुक्रबार मात्र ४०० पिन्ट रगत संकलन भएकामा ३५० पिन्ट आपूर्ति भएको थियो ।

सोसाइटीका जिल्ला सभापति मनोज थापाले रगतको आवश्यकता भई केन्द्रमा आउनेलाई रित्तोहात नफर्काइएको तर भनेजति एकैपटक भने दिन नसकिएको जानकारी दिए । (रासस)

 

प्रतिकृया दिनुहोस

व्युटिसियन महिलाहरुका लागि १० दिने पुनताजगी तालिम

            दोलखाको सदरमुकाम चरिकोटमा व्युटिसियन महिलाहरुका लागि १० दिने पुनताजगी तालिमको आयोजना गरिएको छ । नेपाल व्युटीसियन संघ

आँखाका रोगीलाई निःशुल्क उपचार गर्न एक कप चिया अभियान

शनिबार राजधानीमा एक कार्यक्रम गर्दै एक कप चिया बराबरको रकम एक वर्षसम्म जम्मा गरी संकलित रकम आँखाका बिरामीको उपचारमा खर्च गर्ने लक्ष्य रहेको युवा

पाठेघरको मुखको क्यान्सर बढ्दो

शहरी क्षेत्रका महिलामा पाठेघरको मुखको क्यान्सर बढ्दै गएपछि वीर अस्पतालले काठमाडौंको नार्गजुन नगरपालिकाको वडा नम्बर १ मा स्वास्थ्य शिविर सञ्चालन