सातौं अन्तराष्ट्रिय बालिका दिवसको अवसर पारेर दोलखा सदरमुकाम चरिकोटबाट प्रशारण भइरहेका रेडियोले किशोरीका सवालमा वहस

 

अक्टोबर ११, अन्तर्राष्ट्रिय बालिका दिवस विश्वभर विभिन्न कार्यक्रम गरेर मनाइएको छ ।सातौं अन्तराष्ट्रिय बालिका दिवसको अवसर पारेर दोलखा सदरमुकाम चरिकोटबाट प्रशारण भइरहेका रेडियोले किशोरीका सवालमा वहस गरेका छन् ।
किशोरीले आफंैले नेतृत्व गर्दै सामूदायिक रेडियोमा बहसमूलक कार्यक्रम गरेर समुदायमा देखिएका बालिका र किशोरीको समस्या तथा त्यसको न्युनीकरणका लागि आफ्नो नेतृत्वमा भइरहेका पहलबारे जानकारी गराएका हुन् । दोलखाको रेडियो शैलुङमा पनि २४ वर्षमुनिका किशोरीले वहस गरे । वुढाभिमसेन माध्यमिक विद्यालय धरमघर दोलखामा कक्षा १० मा अध्ययनरत वर्ष १५ की दिव्या महतले वहसुलक कार्यक्रम सञ्चालन गरिन भने बालिका र किशोरीको सवालमा किशोरी अभियन्ता डेनिसा चौलागाई र कविता भुजेलले खुलेर वहस गरे । भिमेश्वर नगरपालिका वडा न ४ जिलु स्थायी घर भएकी  १७ वर्षकी डेनिसा चौलागाई १० वर्षको उमेरदेखि नै बालबालिका र सामाजिक समस्याका विषयमा सार्वजनिक समारोहमा विचार व्यक्त गर्दै बालक्लवमा रहेर काम गर्दै आएकी किशोरी हुन् । जसले ११ वर्षको उमेरदेखि हालसम्म विभिन्न विषयमा ४२ ओटा वक्तृत्वकला प्रतियोगितामा सहभागिता जनाएकी छन् । वक्तृत्वकलामा उत्कृष्ट भएरै उनेले राष्ट्रिय प्रतिभा पुरस्कार समेत प्राप्त गरेकी छन् भने वहसमुलक कार्यक्रमकी अर्की किशोरुी अभियन्ता कविता भुजेलको गौरीशकर गाउँपालिका वडा न २ दोलखा स्थायी घर हो । कक्षा ७ देखि नै बालक्लवमा रहेर बालबालिकाको हक अधिकारको लागि नेतृत्व गर्दै आएकी भुजेल अहिले दोलखा सदरमुकाम चरिकोटमा रहेको गौरीशकर वहुमुखी क्याम्पस दोलखामा कक्षा १२ मा अध्ययन गरिरहेकी छन् ।


वहसमुलक कार्यक्रममा किशोरी अभियन्ताले बालिका र किशोरीका सवाल,काम गर्दाका चुनौति , सामाजिक काम पछिका परिवर्तन र स्थानीय तहसंगको सहकार्यको अवस्था र आवश्यकताका विषयमा छलफल गरेका थिए भने बालिका र किशोरीको जीवन परिवर्तका लागि आफूले खेलेको भुमिकाका विषयमा सफलता र सिकाई आदान प्रदान गरेका थिए ।
यसैवीच सदरमुकाम चरिकोटमा रहेका कालिञ्चोक सामुदायिक रेडियो,रेडियो भिमेश्वर र हाम्रो रेडियोले पनि किशोरीका सवालमा वहस गरे ।
बालबालिकाको अधिकार र किशोरीको समानताका लागि क्रियाशील अन्तर्राष्ट्रिय गैरसरकारी संस्था प्लान इन्टरनेशनल नेपाल, सामुदायिक रेडियो प्रसारक संघ अकोरयाव र  सीआईएनको संयोजनमा देशभरका ३ सय रेडियो मार्फत एकै प्रकृतिको कार्यक्रम प्रशारण भएको थियो ।
किशोरीहरुलाई नियमित संलग्नता भन्दा फरक भूमिका बहन गराएर उनीहरुको समस्या र मुद्धाबारे सरोकारवाला निकाय र आम जनमानसमा अवगत गराउने र आगामी दिनमा पनि चेतनामूलक अभियानमा किशोरीहरुलाई जागरुक गराउनु कार्यक्रमको उद्देश्य रहेको सामुदायिक रेडियो प्रसारक संघले जनाएको छ ।
देशभरीका ३ सय सामूदायिक रेडियोमा ९०० जना किशोरीले आफ्नै सवालमा बहस वहस गरेका थिए ।

 

प्रतिकृया दिनुहोस

अन्र्तराष्ट्रिय  समन्वय समाज दोलखाको प्रथम  अधिवेशन कार्तिक १० गते हुँदै

  असोज २८ अन्तराष्ट्रिय समन्वय समाज दोलखाको प्रथम अधिबेशन यहि कार्तिक १० गते सदरमुकाम चरिकोटमा हुने भएको छ । प्रबासी दोलखाली युबाहरुको साझा तथा

६३ औ प्रहरी दिवसको अवसरमा प्रहरीलाई सहयोग गर्ने सहकारी संस्था र नागरिक सहित प्रहरीको सम्मान

  ६३ औँ प्रहरी दिवसको अवसरमा दोलखामा १९ जना प्रहरी सम्मानित भएका छन् । नेपाल प्रहरीको प्रतिवद्धता, अपराध रहित समाज निर्माणका लागी प्रतिवद्धता भन्ने

बृद्धभत्ताले दशैँकामुखमाभीनपाका ज्येष्ठ नागरिकलाई सास्ती

शरद सापकोटा २४ असोज दशैँको मुखमाभीमेश्वर नगरपालिकाका सामाजिक सुरक्षाभत्तालिने सेवाग्राही ज्येष्ठ नागरिक, विधवातथाअपाङ्गहरुले सास्तीभोगिरहेका