छोरीको मृत्यु सहन नसक्दा बाबुको मृत्यु ।

रेडियो शैलुङ्ग दोलखा

छोरीको मृत्युको दुखद खवर सहन नसकेर दोखलाको विगु गाउँपालिका वडा ४ लादुकमा एक बाबुको मृत्यु भएको छ । विगु गाउँपालिका वडा नम्वर ४ लादुकमा भएको बोलेरो दुर्घटनामा परि छोरीको मृत्यु भएको खवर पछि लादुककै चित्रेका  ७१ वर्षका भुवनसिंह खत्रीको सोमवार विहान मृत्यु भएको विगु गाउँपालिका अध्यक्ष युधिष्ठिर खड्काले जानकारी दिनुभयो । घरमा रहेका खत्रीको छोरीको मृत्युको खवरपछि पीडाकै कारण मृत्यु भएको  लादुका वडाध्यक्ष वुक्तम तमाङको भनाइ छ ।
खत्रीकी छोरी ४५ वर्षीया ईश्वरी थापाको आइतवार राति लादुकमै भएको बोलेरो दुर्घटनामा परि मृत्यु भएको थियो । दुर्घटनामा परी मृत्यु भएकी  छोरी र  बाबु खत्रीको सिँगटी स्थित तामाकोसी नदी किनारको दोभानमा एकै पटक अन्त्यष्टि गरिएको छ । बुबा भुवनसिँह श्रीमतिको मृत्युपछि जेठी छोरीको साथमा लादुकमा बस्दै आएका थिए । दुई मात्र छोरी रहेका खत्रीको कान्छि छोरीको मृत्युको पीडा सहन नसकेर मृत्यु भएको स्थानीयको भनाई छ ।
आइतवार राती  सिगटीबाट विगु गाउँपालिका ४ लादुक जाँदै गरेको जाँदै गरेको बा १४ च १६८१ नम्बरको बोलेरो लादुकस्थित खहरेमा दुर्घटना हुँदा २ जनाको मृत्यु भएको थियो भने ८ जना घाईते भएका थिए । दुर्घटनामा परि  खत्रीकी छोरी ४५ वर्षकी ईश्वरी थापा र वडा नम्वर ४ लादुककै ५० वर्षीय टिका बहादुर कार्कीको घटनास्थलमै मृत्यु भएको थियो । दुर्घटनामा परि बोलेरो चालक विगु ४ लादुकका ३४ वर्षिय दिपक नेपाली, सोही स्थानका ३१ वर्षिय गुरु नेपाली, ३२ वर्षिया हिमालु नेपाली, ४० वर्षिया स्वस्थानी खत्री, ४४ वर्षिय शान्त सुवेदी, ५९ वर्षीय परशुराम खत्री, ५० वर्षीय बाबुुराम खत्री र ७० वर्षीय अमृत बहादुर थापा घाईते भएका छन् । घाइते मध्ये ४० वर्षकी स्वस्थानी खत्रीको अवस्था गम्भीर रहेको वताइएको छ ।  । क्षमता भन्दा वढी यात्रु र सामग्री भएका कारण घुम्तिमा मोड्ने क्रममा सडकबाट करिव ४० मिटर तल खसेर बोलेरो दुर्घटना भएको इलाका प्रहरी कार्यालय सिगटीले जनाएको छ ।

 

प्रतिकृया दिनुहोस

जिरी नगरपालिकाको टोली चीन जाँदैैँ 

रेडियो शैलुङ्ग दोलखा / छिमेकी चीनको तिब्बत स्थित छाङ्दु नगरपालिकाको निमन्त्रणमा दोलखा जिरी नगरपालिकाको टोली शुक्रबार बिहान १०ः१५ बजे चीन जाने भएको

नेकपा दोलखाका अध्यक्ष भीम प्रसाद दहालको राजनीतिक यात्रा 

 शरद सापकोटा  ३० साउन, काठमाण्डौँ  रेडियो शलुङ्ग दोलखा/ तत्कालीन नेकपा एमाले र एनेकपा माओवादीको एकीकरणबाट नेपाल कम्युनिष्ट पार्टीको निर्माण

निताको नयाँ घरमा वस्ने सपना तीन वर्षदेखि अधुरै ।

  दोलखा बैतेश्वर गाँउपालिका वडा नम्बर ६ नाम्दु खनियाँचौरकी निता घिमिरेको २०७२ सालमा बैशाखमा गएको विनाशकारी  भुकम्पले घर मात्रै भत्काएन श्रीमान