बैतेश्वर गाउँपालिकाको पुर्व योजना गोष्ठी सम्पन्न

रेडियो शैलुङ्ग दोलखा जेठ २७ दोलखाको बैतेश्वर गाउँपालिका वडा नम्बर ५ मैनापोखरीमा आर्थिक वर्ष २०७५÷ ०७६ को पुर्व योजना गोष्ठी शनिबार सम्पन्न भएको छ ।
आगामि आर्थिक वर्षका लागि सरोकारवाला निकायहरुबाट सुझाब संकलन गर्ने उद्देश्यले गोष्ठीको आयोजना गरिएको गाउँपालिकाले जनाएको छ ।  कार्यक्रममा सरोकारवाला निकायका पदाधिकारी, स्थानीय, बुद्धिजिवि गरी करिब १ सय जनाको सहभागिता रहेको थियो । कार्यक्रमका सहभागिहरुले गाउँपालिकालाई शिक्षाको क्षेत्रमा अघि बढाउन सके मात्रै समुन्नत र समृद्ध बैतेश्वर बनाउन सहयोग पुग्ने भन्दै शिक्षालाई पहिलो प्राथामिकतामा राख्नु पर्ने कुरामा जोड दिएका थिए । यस्तै स्वास्थ्य, कृषि र पुर्वाधारमा समेत ध्यान दिँदै कृषकहरुले उत्पादन गरेका कृषिजन्य सामग्रीहरु विक्रि वितरणका लागि बजारीकरणमा प्रर्वद्धन गर्नका लागि भावि रणनिती बनाउँदै कृषकहरुलाई व्यवसायी बनाउन सुझाब दिएका छन् । कृषकहरुले हाल गाँउपालिकामा बजारीकरणको राम्रो व्यवस्थापन नभएकाले आफ्नो श्रम अनुसारको रकम पाउन नसकेको प्रति गुनासो गरेका छन् । कार्यक्रमलाई सम्बोधन गर्दै सरोकारवाला व्यक्तिहरुले आगामि आर्थिक बर्ष २०७४÷०७५ का लागि बजेट विनियोजन गर्दा गाँउपालिकालाई पर्यटन, खेलकुद, लक्षित वर्ग लगाएतको क्षेत्रमा विशेष ध्यान दिन आग्रह गरेका छन् ।

गाँउपालिका अध्यक्ष छवि लामाको अध्यक्षतामा भएको कार्यक्रममा उपाध्यक्ष रविचन्द्र आचार्य, प्रमुख प्रशासकिय अधिकृत नवराज पराजुलीले मन्तव्य राख्नुहुँदै आगामि आर्थिक बर्ष २०७४÷०७५ का लागि बजेट विनियोजन गर्दा गाँउपालिकाले सरोकारवाला निकाय, स्थानीय नागरिक लगाएतको सुझाबका आधारमा नै बजेट विनियोजन गर्ने प्रतिबद्धता जनाउनु भएको छ । गाँउपालिकाले विभिन्न गैर सरकारी संघ संस्थाहरुलाई गाँउपालिका भित्र कार्यक्षेत्र बनाएर काम गर्र्दै गर्दा गाँउपालिका तथा वडा कार्यालय सँग सहकार्य गर्दै कार्य अवधिको कुल पुँजी र संस्थाको उद्देश्य सहित जानकारी गराएर मात्रै काम गर्नको लागि र्निदेशन दिएको छ । गाउँपालिकाले आर्थिक वर्ष ०७४÷०७५ मा लक्ष्य अनुरुप नै काम गर्न सफल भएको भन्दै ०७५÷०७६ मा पनि पारदर्शि हिसाबले काम गरी दोलखाका ९ वटा स्थानीय तह मध्ये बैतेश्वर गाँउपालिकालाई नमुना गाँउपालिका बनाउने तर्फ अघि बढ्ने गाँउपालिकाका उपाध्यक्ष रविचन्द्र आर्चायको भनाई छ  । उपाध्यक्ष आचार्यले गाँउपालिकाको वडा नम्बर ५ मा रहेको जनसचेतन बचत तथा ऋण सहकारीले आफ्नो पहिचान अन्र्तराष्ट्रिय स्तरमा समेत नमुना सहकारीको रुपमा चिनाउन सफल रहेको र हरेक सहकारी अभियन्ताको नजर नै दोलखामा रहेको उदाहरण दिनुहुँदै जनसचेतन जस्तै गाँउपालिकाको पनि पहिचान राख्ने गरी काम गर्ने बताउनु भयो ।

 

प्रतिकृया दिनुहोस

अन्र्तराष्ट्रिय  समन्वय समाज दोलखाको प्रथम  अधिवेशन कार्तिक १० गते हुँदै

  असोज २८ अन्तराष्ट्रिय समन्वय समाज दोलखाको प्रथम अधिबेशन यहि कार्तिक १० गते सदरमुकाम चरिकोटमा हुने भएको छ । प्रबासी दोलखाली युबाहरुको साझा तथा

६३ औ प्रहरी दिवसको अवसरमा प्रहरीलाई सहयोग गर्ने सहकारी संस्था र नागरिक सहित प्रहरीको सम्मान

  ६३ औँ प्रहरी दिवसको अवसरमा दोलखामा १९ जना प्रहरी सम्मानित भएका छन् । नेपाल प्रहरीको प्रतिवद्धता, अपराध रहित समाज निर्माणका लागी प्रतिवद्धता भन्ने

सातौं अन्तराष्ट्रिय बालिका दिवसको अवसर पारेर दोलखा सदरमुकाम चरिकोटबाट प्रशारण भइरहेका रेडियोले किशोरीका सवालमा वहस

  अक्टोबर ११, अन्तर्राष्ट्रिय बालिका दिवस विश्वभर विभिन्न कार्यक्रम गरेर मनाइएको छ ।सातौं अन्तराष्ट्रिय बालिका दिवसको अवसर पारेर दोलखा सदरमुकाम