जिल्ला अस्पताल जिरीमा एक बिरामीको आमाशयमा जोडिएको ड्युडेनममा भएको अल्सरको सफल सल्यक्रिया

रेडियो शैलुङ्ग बैशाख ३ जिल्ला अस्पताल जिरी दोलखामा हिजो बाराका एक बिरामीको आमाशयमा जोडिएको ड्युडेनममा भएको अल्सरको सफल सल्यक्रिया भएको छ ।
बारा जिल्ला कोलाबी नगरपालिका, वडा नं. १०, बरेवा घर भई हाल रामेछापको ठोसे स्थित एक विद्यालय भवनको निर्माणको लागि मजदुरी गर्न आउनुभएका ४६ वर्षिय पुरुष सुखदेव रामको ड्युडेनममा भएको अल्सर छिद्रको डा. निशान्त ढकाल नेतृत्वको चिकित्सकीय टोलीले सफल सल्यक्रिया गरेको अस्पतालका वायोमेडिकल उपकरण विभाग प्रमुख उत्तम पोखरेलले जानकारी दिनुभयो । दुई दिन देखि अचानक अत्याधिक पेट दुख्ने र तीन दिन देखि दिशा समेत नभएपछि विरामी रामलाई जिरी अस्पतालमा उपचारका लागि लगिएको थियो । चेक जाँचका क्रममा विरामीको पेटमा पिप जस्तो पानी देखिएपछि आन्द्रामा प्वाल परेको लक्षण देखिएकाले अस्पतालले तत्काल सल्यक्रिया गरेको अस्पतालका क्लिनिकल संयोजक डा. निशान्त ढकालले जानकारी दिनुभयो ।

डा. ढकालका अनुसार जिरी अस्पतालमा पेट तथा ड्युडेनममा भएको अल्सरले प्वाल पारी ओमेन्टल प्याच  लगाएर सल्यक्रिया गरिएको यो पहिलोपटक हो ।  सल्यक्रियमा डा. ढकालका अत्तिरिक्त डा. शिव प्रजापति, एनेस्थेसिया सहायक अजेन्द्र यादव, विएमईटी उत्तम पोखरेल, अ.न.मी. सम्झना जिरेल लगायतको सहभागिता थियो ।  हाल विरामीको अवस्था सामान्य रहेको बताउँदै विरामीका भाई शिवनाथ रामले सहुलियत शुल्कमा जिरी अस्पतालमै आफ्ना दाजुको सफल सल्यक्रिया भएकोमा खुसी व्यक्त गर्नुभयो ।

 

 

 

 

 

 

प्रतिकृया दिनुहोस

भिमेश्वर नगरपालिकामा भेटिएका २ वटा वेवारिसे शवको दाहसंस्कार 

       दोलखाको भीमेश्वर नगरपालिकाले दुई वटा वेवारिसे शवको दाह संस्कार गरेको छ । नगरपालिकाले भदौ ३० गते विहान चरिकोटको सातदोबाटोमा रहेको

रेडियो शैलुङको ११ औ वार्षिक उत्सव एवं शैलुङ सञ्चार सहकारी संस्थाको साधारण सभा सम्पन्न

भदौ ३१ शैलुङ सञ्चार सहकारी संस्थाद्वारा सञ्चालित रेडियो शैलुङ सामुदायिक एफ।एम ९२।७ मेगाहर्जको ११ औ वार्षिक साधारण सभा एवं वार्षिक उत्सव कार्यक्रम

निर्मलाको बलात्कार र हत्यामा संलग्नलाई पहिचान गरी कार्बाही गर्न दोलखा सदरमुकाम चरिकोटमा दवावमूलक सिठी जुलुश

भाद्र ३० निर्मलाको बलात्कार र हत्यामा संलग्नलाई पहिचान गरी कार्बाही गर्न दोलखा सदरमुकाम चरिकोटमा दवावमूलक सिठी जुलुशको आयोजना गरिएको छ