एमाले र माओवादीको पार्टी एकता वैशाख ९ मा

काठमाडौं । नेकपा एमाले र नेकपा माओवादी केन्द्रबीच आगामी वैशाख ९ गते पार्टी एकता घोषणा गर्ने समझदारी गरेको छ ।

 

अन्तरिम विधान र सांगठनिक संरचनाबारे सुुझाव दिन गठित छुट्टाछुट्टै कार्यदलले मंगलबार पार्टी एकता संयोजन समितिमा प्रतिवेदन बुझाउँदै अप्रिल २२ तारेख अर्थात वैशाख ९ गते पार्टी एकता गर्न सुझाव दिएको छ ।

नेताहरुका अनुसार बैशाख ९ मा पार्टी एकता घोषणा गर्ने समझदारी भएको छ । पर्सि बस्ने बैठकले यसबारे औपचारिक निर्णय गर्ने माओवादी केन्द्रका नेता नारायणकाजी श्रेष्ठले जानकारी दिए ।

एमाले र माओवादीबीच फागुन ७ मा नै एकीकृत पार्टीको नाम ‘नेपाल कम्युनिष्ट पार्टी’ राखे सहमति भएको थियो ।

तर, कार्यदलले केही विषयमा निर्णय गर्ने जिम्मा शीर्ष नेतृत्वलाई दिएको छ । एकीकृत पार्टीको केन्द्रीय कमिटी २९९ सदस्यीय प्रस्ताव गरिएको छ । तर, एमाले र माओवादीबाट कतिकति भन्ने टुंगिएको छैन ।

एमाले नेताहरुले जनमत अनुसार २०० एमाले र ९९ माओवादीबाट गर्दा उपयुक्त हुन तर्क गरेका छन् । तर, माओवादी शीर्ष नेताहरुले नै बराबरी सिद्धान्तका आधारमा मात्र पार्टी एकता हुने बताएका छन् ।

यस्तै जनयुद्ध शब्द विधानको प्रस्तावनामा राख्ने नराख्ने विवाद छ । चूनाव चिन्हबारे पनि सहमति हुन सकेको छैन । अनलाइन खबरबाट

प्रतिकृया दिनुहोस

दोलखामा ३ दिने वृहत शैक्षिक महोत्सव सम्पन्न

  रेडियो शैलुङ्ग २० दोलखा सदरमुकाम चरीकोटमा सञ्चालन भएको तीन दिने शैक्षिक महोत्सवसम्पन्न भएको छ । शैक्षिक गन्तव्य हाम्रो अभियान, गुणस्तरीय

अधिनायकवादको बारेमा स्वच्न पनि सकिन्न

अधिनायकवादको बारेमा स्वच्न पनि सकिन्न रेडियो शैलुङ्ग दोलखा बैशाख १८ ÷ परराष्ट्र मन्त्री प्रदीप ज्ञवालीले १४ बर्ष जेल बसेका केपी ओलीले नेतृत्व

स्वर्गीय मनमोहन अधिकारीको १९ औ स्मृति दिवस दोलखामा कार्यक्रम

रेडियो शैलुङ्ग दोलखा बैशाख १३ नेकपा एमालेका तत्कालिन अध्यक्ष स्वर्गीय मनमोहन अधिकारीको १९ औ स्मृति दिवसको अवसरमा मनमोहन स्मृत प्रतिष्ठान दोलखाको